„რუსეთის მცოცავი ანექსია აბსოლუტურად მიუღებელია“,-ამის შესახებ ნატო-ს საპარლამენტო ასამბლეის თავმჯდომარემ პაოლო ალიმ ასამბლეის საგაზაფხულო სესიაზე სიტყვით გამოსვლისას განაცხადა.

ალის თქმით, ასამბლეა მუდმივად გმობს საქართველოს ოკუპაციას და მხარს უჭერს საქართველოს  ტერიტორიულ მთლიანობას.

„ჩვენ ვაგრძელებთ და მხარს ვუჭერთ  ტერიტორიულ მთლიანობას საქართველოში, ეს არის ჩვენი  თანამშრომლობის ერთ-ერთი პრიორიტეტი. ასამბლეა მუდმივად გმობს, მიუღებელ ოკუპაციას  აფახაზეთსა და  „სამხრეთ ოსეთში“. რუსეთი ყოველდღიურად  ცდილობს საქართველოს  მეტი  და მეტი მიწები მიიტაცოს   და გააძლიეროს თავისი  წარმომადგენლობა და  თავისი ზეგავლენა  საქართველოში. ჩვენ რამდენიმე დღის წინ იქ ვიყავით და ვნახეთ ადმინისტრაციული საზღვარი, სასაზღვრო ზოლი და რუსეთის მცოცავი ანექსია აბსოლუტურად მიუღებელია, დეკლარაცია გვექნება, ვიმსჯელებთ ამასთან დაკავშირებით, ეს იქნება მტკიცე მხარდაჭერა. ეს იქნება გამოხატულება ჩვენი, რომ საქართველო ნამდვილად ნატო-ს ოჯახის წევრი უნდა გახდეს და იმედი მაქვს, რომ ეს მიღებული იქნება უმრავლესობის მიერ და ეს კიდევ ერთხელ დაამტკიცებს, რომ ჩვენ აბსოლუტურად კონსოლიდირებული აზრი გვაქვს საქართველოსთან  დაკავშირებით“,-განაცხადა ალიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საკრებულოების შუალედურ არჩევნებში მონაწილეობას მხოლოდ ოცნება და ლელო მიიღებს

ეკა კუპატაძე თამარ ბაჩალიაშვილის მშობლებს მხარდაჭერას უცხადებს

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე