მანჩესტერში პოლიციამ ასაფეთქებელი მოწყობილობა აღმოაჩინა - შესაძლოა, ახალი ტერაქტი მზადდებოდა

2017-05-25 10:59:42, 2454 ნახვა

მსოფლიო

დიდი ბრიტანეთის პოლიციამ და სპეცსამსახურებმა, ანტიტერორისტული ოპერაციის ფარგლებში, მანჩესტერში ასაფეთქებელი მოწყობილობა აღმოაჩინეს, - ამის შესახებ The Independent იუწყება.

მედია საშუალების ინფორმაციით, შესაძლოა, ასაფეთქებელი მოწყობილობით ახალი ტერაქტი მზადდებოდა.

სპეცსამსახურების თქმით, არ არის გამორიცხული კიდევ იყოს რამდენიმე ასაფეთქებელი მოწყობილობა, რომლითაც ტერორისტები, უახლოეს მომავალში, დიდ ბრიტანეთში ახალ ტერაქტებს გეგმავენ.

ამასთან, პოლიციას მანჩესტერის ტერაქტთან დაკავშირებით სულ 8 ეჭვმიტანილი ჰყავს დაკავებული.

შეგახსენებთ, რომ ქალაქ მანშესტერში ტერაქტი მოხდა, რის შედეგადაც 22 ადამიანი დაიღუპა, 59 კი დაშავდა. აფეთქება პოპ მომღერალის არიანა გრანდეს კონცერტის დასრულების შემდეგ მოხდა, თვითონ მომღერალი კი არ დაშავებულა. პასუხისმგებლობა მომხდარზე ISIS-მ აიღო. ტერაქტის ორგანიზატორის ვინაობა ცნობილია

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან