2015-04-15 18:18:33, 1250 ნახვა
მსოფლიო
ევროკავშირი „Google“-ს მონოპოლიურ ქმედებებში სდებს ბრალს
ევროკავშირი „Google“-ს ანტიკონკურენტულ ქმედებებში სდებს ბრალს.
კონკურენციის საკითხებში ევროკომისარის, მარგარეტ ვესტაგერის განცხადებით, კომპანიამ საკუთარი პროდუქტების პოპულარიზაციის გზით კონკურენციის შესახებ კანონი დაარღვია.
მისი თქმით, იგი შეშფოთებულია იმ უსამართლო უპირატესობით, რომელსაც „გუგლი“ საძიებო სისტემაში საკუთარ პროდუქტებს აძლევს.
ასევე ცალკე ჩატარდება გამოძიება „გუგლის“ მიერ მობილური ოპერაციული სისტემის Android-ის ხელშეწყობის საკითხზე.
მსოფლიოში ერთ-ერთ უმსხვილეს კომპანიას კონკურენციის შესახებ კანონის დარღვევისათვის შესაძლოა 6 მილიარდ დოლარზე მეტი ჯარიმა დაეკისროს.
„გუგლს“ 10 კვირა აქვს იმისათვის, რომ ევროკომისარის ბრალდებებს უპასუხოს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
