შვედეთის პროკურატურამ WikiLeaks-ის საიტის დამფუძნებელის ჯულიან ასანჟის წინააღმდეგ აღძრული სისხლის სამართლის საქმე დახურა, - ამის შესახებ BBC იუწყება.

მედია საშუალების ინფორმაციით, სისხლის სამართლი საქმე გაუპატიურებას ეხებოდა. თვითონ ასანჟი ბრალდებებს უარყოფდა და აცხადებდა, რომ საქმე პოლიტიკურად მოტივირებული იყო.

"პროკურორმა მარიან ნიუმ დღეს მიიღო გადაწყვეტილება დაეხურა წარმოებაში არსებული საქმე, რომელიც ჯულიან ასანჟის წინააღმდეგ იყო აღძრული. ასანჟს ბრალი გაუპატიურებაში ედებოდა", - ნათქვამია ინფორმაციაში. 

დამატებითი დეტალები უცნობია, თუმცა საქმის პროკურორი აღნიშნულ საკითხთან დაკავშირებით პრესკონფერენციის გამართვას გეგმავს.

ამასთან, ლონდონის პოლიციაში აცხადებენ, რომ თუ ასანჟი ეკვადორის საელჩოს დატოვებას, ისინი მას დააკავებენ. 

"ვესტმინსტერის სასამართლომ ჯულიან ასანჟის დაპატიმრების ორდერი 2012 წლის 29 ივნისს გასცა, მას შემდეგ რაც ის სასამართლოში არ გამოცხადდა. პოლიცია ვალდებულია ორდერის შესაბამისი ღონისძიებები ჩაატაროს, იმ შემთხვევაში თუ საქმის ფიგურანტი საელჩოს შენობას დატოვებს", _ აღნიშნულია ლონდონის პოლიციის განცხადებაში. 

ცნობისთვის, WikiLeaks-ის საიტის დამფუძნებელი ჯულიან ასანჟი მიუხედავად საქმის დახურვისა, თვაისუფალ გადაადგილებას კვლავ ვერ ახერხებს. თუმცა, ასანჟის ადვოკატის თქმით, "პროკურატურის გადაწყვეტილება გამარჯვების ტოლფასია". 

როგორც BBC წერს, იმ პერიოდში როდესაც ასანჟის წინააღმდეგ სისხლის სამართლის საქმე აღიძრა ის დიდ ბრიტანეთში იმყოფებოდა. ასანჟი აცხადებდა, რომ შვედეთში ექსტრადირების შემთხვევაში, ის შესაძლოა ამერიკას გადასცენ. აქედან გამომდინარე, 2012 წლის შემდეგ ასანჯი ლონდონში მდებარე ეკვადორის საელჩოს ტერიტორიას არ ტოვებს, სადაც მან პოლიტიკური თავშესაფარი მოითხოვა. 

შეგახსენებთ, რომ შვედეთის პროკურატურას ჯულიან ასანჟის დაკითხვა შესაძლო გაუპატიურების გამო სურდა. 2010 წელს გავრცელდა ინფორმაცია, რომ ასანჟი WikiLeaks-ში მომუშავე ორი სტაჟიორ ქალზე სექსუალურად ძალადობა. ასანჟი ბრალდებებს უარყოფდა, ხოლო სავარაუდო მსხვერპლებს სასამართლოში ფორმალური სარჩელი არ შეუტანიათ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს