თურქეთის პრემიერ-მინისტრის ბინალი ილდირიმის განცხადებით, ევროკავშირი ნაცვლად პოლიტიკური ორგანიზაციისა, ბიუროკრატიულ ორგანიზაციად იქცა, - ამის შესახებ ბინალი ილდირიმმა ლონდონში ვიზიტის დროს გამოცემა London Evening Standard-სთვის მიცემულ ინტერვიუში განაცხადა.

როგორც ილდირიმმა აღნიშნა, თურქეთში მყოფ სირიელ ლტოლვილებთან დაკავშირებით ევროკავშირის წევრი ქვეყნის ზოგიერთმა ლიდერმა დანაპირება არ შეასრულა.

"ჩვენ ხალხს სიცოცხლე შევუნარჩუნეთ, ვზრუნავთ მათზე და ჩვენ მიწაზე თავშესაფარს ვაძლევთ. ევროპამ უნდა დააფასოს ეს და პასუხისმგებლობა აიღოს იმაზე თუ როგორ გავინაწილებთ ამ ტვირთს. ევროპისა და ევროპელი ხალხის უსაფრთხოება თურქეთიდან იწყება. ევროკავშირის მთავარი პრობლემა ის არის, რომ ევროკავშირი ნაცვლად პოლიტიკური ორგანიზაციისა, ბიუროკრატიულ ორგანიზაციად იქცა. მაღალი დონის ჩინოვნიკები ამ ორგანიზაციას წევრი ქვეყნების სახელით მართავენ. შესაბამისად, ნებისმიერ საკითხზე გადაწყვეტილების მიღება დიდ დროს ითხოვს", - დასძნა ილდირიმმა.

რაც შეეხება თურქეთის პრეზიდენტს ილდირიმის შეფასებით, რეჯეფ თაიფ ერდოღანი მსოფლიოში ერთ-ერთი ყველაზე გულმოწყალე ადამიანია.

„როდესაც თურქეთის პრეზიდენტს უკეთ გაიცნობ, ის აუცილებლად მოგეწონება. ის პირდაპირ ამბობს სათქმელს და რაღაც თამაშებს არ თამაშობს. ამიტომაცაა, რომ ზოგიერთს ის არ მოსწონს“, - განაცხადა ბინალი ილდირიმმა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს