საფრანგეთის საპრეზიდენტო არჩევნების საბოლოო შედეგების თანახმად, ემანუელ მაკრონმა ხმების  66.06% მიიღო, ხოლო მარინ ლე პენს ამომრჩეველთა ხმების 33.94% - ამის შესახებ BBC იუწყება.

მედია საშუალების ინფორმაციით, მაკრონი საფრანგეთის რესპუბლიკის ყველაზე ახალგაზრდა პრეზიდენტი გახდა. მას აქამდე რესპუბლიკის პირველი პრეზიდენტი ლუი ნაპოლეონ ბონაპარტი უსწრებდა. ბონაპარტმა პრეზიდენტის პოსტი 40 წლის ასაკში დაიკავა.

პირველადი მონაცემების გამოქვეყნების შემდეგ, მაკრონმა შტაბში ბრიფინგი გამართა და ამომრჩევლებს სიტყვით მიმართა.

"ჩვენ გავიმარჯვეთ, საფრანგეთმა გაიმარჯვა. ყველა გვეუბნებოდა, რომ ეს შეუძლებელია, მაგრამ ისინი საფრანგეთს არ იცნობენ", - განაცხადა მაკრონმა.

მაკრონს საპრეზიდენტო არჩევნებში გამარჯვება მსოფლიო ლიდერებმა უკვე მიულოცეს. სატელეფონი საუბრის დროს პრეზიდენტად არჩევა მაკრონს გერმანიის კანცლერმა ანგელა მერკელმა მიულოცა. მაკრონმა მილოცვა ასევე, ბრიტანეთის პრემიერ-მინისტრისგან ტერეზა მეისგან, ამერიკის შეერთებული შტატების პრეზიდენტის დონალდ ტრამპისგან, ევროსაბშოს პრეზიდენტ დონალდ ტუსკისგან, ასევე საქართველოს პრეზიდენდ გიორგი მარგველაშვილისგან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა