პროკურორ ჯარჯი წიკლაურის განცხადებით, მოსამართლემ ე.წ. ციანიდის საქმეზე წარდგენილი მათი ყველა ძირითადი მტკიცებულება დასაშვებად სცნო.

როგორც წიკლაურმა შესვენებაზე ჟურნალისტებს განუცხადა, დღევანდელ სხდომაზე დადასტურდა, რომ ციანიდის ე.წ. ამოღება და დათვალიერება კანონიერი საგამოძიებო მოქმედებაა.

 "გახსოვთ ადვოკატთა ხმამამაღალი განცხადებები ციანიდის ე.წ. ჩადებასთან დაკავშირებით, თითქოს გარკვეული მანიპულაცია მოხდა და ასაბუთებდნენ, რომ თითქოს უკანონო იყო ეს მოქმედება.დღეს კიდევ ერთხელ დააყენეს მსგავსი შუამდგომლობა.მოსამართლემ დეტალურად მოისმინა ორივე მხარისგან არგუმენტები.დეტალურად გაეცნო და შეაფასა ის შუამდგომლობები და დღევანდელ სხდომაზე დადასტურდა, რომ ციანიდის ე.წ. ამოღება და დათვალიერება აბსოლუტურად კანონიერი საგამოძიებო მოქმედებაა.მოსამართლემ ცნო დასაშვებად ეს მტკიცებულება და საბოლოდ დადასტურდა, რომ არავითარ დარღვევას და მანიპულაციას ადგილი არ ჰქონია.კანონის ზედმიწევნითი დაცვით იქნა ჩატარებული და მთავარი მტკიცებულებები, რაც გვაქვს წარდგენილი, ყველა ცნო დასაშვებად. დარჩა ადვოკატების ერთი შუამდგომლობა, რომელსაც ასევე გავცემთ პასუხს",-აღნიშნა ჯარჯი წიკლაურმა.

როგორც ცნობილია, მოსამართლემ დაცვის მხარის მიერ წარდგენილი 11 შუამდგომლობიდან არც ერთი დააკმაყოფილა. ე.წ. ციანიდის საქმეზე პროცესი დსხურულ რეჟიმში განახლდა. დარჩენილია ადვოკატების ერთი შუამდგომლობა, რომელსაც სასამართლო განიხილავს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია