"თიბისი ბანკის" გენერალური დირექტორის ვახტანგ ბუცხრიკიძის განცხადებით,,,თიბისი ბანკისა” და ბანკი “რესპუბლიკის” გაერთიანება წარმატებით დასრულდა.

როგორც ბუცხრიკიძემ დღეს გამართულ პრესკონფერენციაზე აღნიშნა, “თიბისი ბანკი” ბაზარზე ყველა საბანკო სეგმენტში ნომერ პირველი ბანკი გახდა.

მისივე თქმით, 8 მაისიდან "ბანკი რესპუბლიკის" მომხმარებლები შეძლებენ, "თიბისი ბანკისგან" სრულფასოვანი მომსახურება მიიღონ.

"მოხარული ვართ, რომ ორი კომპანიის ყველაზე მსხვილი გაერთიანება საქართველოში წარმატებით დასრულდა. ჩვენ გავიარეთ რამდენიმეთვიანი რთული პროცესი იმისთვის, რომ შერწყმა განხორციელებულიყო უმტკივნეულოდ და კლიენტებისთვის მაქსიმალურად კომფორტულად. მინდა, ორივე ბანკის გუნდს მადლობა გადავიხადო გაწეული სამუშაოსთვის. ვპირდებით ბვანკი რესპუბლიკის მომხმარებელს, რომ ჩვენ მათ გავუწევთ ისეთ სრულყოფილ და ხარისხიან მომსახურებას, რომელიც მუდამ გამოგვარჩევდა ბაზარზე", - აღნიშნა ბუცხრიკიძემ.

ბუცხრიკიძის შეფასებით, "ბანკი რესპუბლიკის შემოერტების შემდეგ "თიბისი ბანკის" პოზიციები ყველა სეგმენტში მნიშვნელოვნად გაძლიერდა.

მისივე თქმით, 8 მაისიდან "ბანკი რესპუბლიკის" მომხმარებელს წვდომა ექნებებათ "თიბისი ბანკის" პროდუქტებისა და სერვისების სრულ სპექტრზე, მათ შორისაა ისეთი ინოვაციური პროდუქტები და სერვისები, როგორებიცაა საუკეთესოდ აღიარებული "თიბისი ბანკის" ინტერნეტ და მობაილ ბანკი; პირველი ჩატბოტი საქართველოში ანუ რობოტი-კონსულტანტი; ასევე, საანაბრე და სადეპოზიტე პროდუქტების მრავალფეროვანი არჩევანი და ფილიალებისა და ბანკომატების ფართო ქსელი.

ამასთან, ბუცხრიკიძის ინფორმაციით, 8 მაისიდან "თიბისი" ბანკის ყველა სერვისი სრულად აღდგენა მთელი ქსელის მასშტაბით და "ბანკი რესპუბლიკის" კლიენტები გახდებიან "თიბისი ბანკის" სრულფასოვანი კლიენტები.

"ჩვენი უმთავრესი მიზანია, გვყავდეს ბევრი კმაყოფილი კლიენტი, მათთან ერთად განვვითარდეთ და რაც შეიძლება მეტ ადამიანს მივცეთ მათი სურვილებისა და ჩანაფიქრების ასრულების შესაძლებლობა. ის 500 ათასამდე კლიენტი, რომელიც "ბანკი რესპუბლიკიდან" შეგვემატა, ჩვენი კომპანიისთვის ახალი ტიპის დასაწყისს ნიშნავს და ვფიქრობთ, შევძლებთ გამოვიყენოთ ჩვენი სიძლიერე ჩვენივე კლიენტების კმაყოფილების მისაღწევად", - აღნიშნა ვახტანგ ბუცხრიკიძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია