განათლების მინისტრის ალექსანდრე ჯეჯელავას შეფასებით,  კონსტიტუციური ცვლილებების პროექტის საყოველთაო-სახალხო განხილვის პროცესმა უნდა დაანახოთ, ხალხი რას ფიქრობს ცვლილებებზე.

ჯეჯელავას თქმით, ეს იმიტომ, რომ ხშირ შემთხვევაში, მესამე სექტორისა და  და პოლიტიკური პარტიების წარმომადგენლები, როდესაც შენიშვნებსა და მოსაზრებებს   გამოთქვამენ,  არა ქვეყნის, არამედ  ვიწრო პარტიული ინტერესებით ხელმძღვანელობენ:

„სახალხო განხილვამ შეიძლება დაგვანახოს ხალხის მოსაზრება, ანუ მოგეხსენებათ, ყველა მნიშვნელოვანი საკანონმდებლო ინიციატივა არა მარტო საკონსტიტუციო მასშტაბის, არამედ საკანონმდებლო მასშტაბისაც, გულისხმობს სახალხო განხილვებს, ეს არის ჩვენი ღია მმართველობის პრინციპის თანამდევი და  განუყრელი ნაწილი. მთავარია, რაც ჩვენ უნდა დავინახოთ ამ პროცესიდან, ხალხი რას ფიქრობს. ხშირ შემთხვევაში მესამე სექტორიც და პოლიტიკური პარტიებიც როდესაც თავის შენიშვნებს, მოსაზრებებს   გამოთქვამენ, ხელმძღვანელობენ არა ქვეყნის და ხალხის ინტერესებით, არამედ ხელმძღვანელობენ თავისი ვიწრო პარტიული ინტერესებით. მესამე სექტორში მუშაობენ ცოცხალი ადამიანები, ვისაც შეიძლება პირადი პოლიტიკური გეგმები ჰქონდეთ, მაგალითი არ შემიძლია მოგიყვანოთ“,-განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანტიკორუფციულმა ორგანოებმა ზელენსკის ოფისის უფროსის მოადგილის სახლში ჩხრეკა ჩაატარეს

მიხაილ ფედოროვმა უკრაინაში არჩევნების ჩატარება მოითხოვა

ტრამპს ჩრდილოეთ კორეის ლიდერთან შეხვედრა შემოდგომაზე სურს

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა