იოსელიანი: სესიაშვილი აღიარებს, რომ მისი ვაჟი, კონკრეტულ ქურდობის საქმეში რაღაც დოზით ფიგურირებს

2017-04-27 13:53:20, 2681 ნახვა

სამართალი საზოგადოება

პარტია „ნაციონალურ მოძრაობაში“ ირაკლი სესიაშვილის დღევანდელ განცხადებას პასუხობენ.

როგორც პარტიის პოლიტსაბჭოს წევრმა კოტე იოსელიანმა განაცხადა, თავდაცვისა და უშიშროების კომიტეტის თავმჯდომარე ირაკლი სესიაშვილმა დღეს აღიარა, რომ მისი შვილი ავტომობილის ქურდობის საქმეში რაღაც დოზით ფიგურირებს.

"ორდღიანი ფიქრის შემდეგ სახეზე გვაქვს კიდევ ერთი ტყუილი. გუშინ მთელი დღის განმავლობაში ირაკლი სესაშვილი ცდილობდა ამ საქმისგან სრულ დისტანცირებას. დღეს სესიაშვილი აღიარებს, რომ მისი ვაჟი, დავით სესიაშვილი კონკრეტულ ქურდობის საქმეში რაღაც დოზით ფიგურირებს. ჩვენ გვჭირდება ამომწურავი ინფორმაცია სამართალდამცავი სტრუქტურებისგან იმის შესახებ, თუ რა ხდება საქმის ირგვლივ, ვთხოვთ მათ გაასაჯაროონ საქმის დეტალები", - აღნიშნა კოტე იოსელიანმა.

ცნობისთვის, პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა "ნაციონალური მოძრაობის' ბრალდებებიტან დაკავშირებით, პროკურატურას მიმართა.

რაც შეეხება თავად კოტე იოსელიანს, სესიაშვილის თქმით, მისი ერთადერთი პოლიტიკური მიღწევა მდგომარეობს იმაში, რომ ის თინა ბოკუჩავას ქმარია და ამით ყველაფერია ნათქვამი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან