ევროკავშირის უმაღლესი კომისარი საგარეო პოლიტიკისა და უსაფრთხოების საკითხებში, ფედერიკა მოგერინი იმედს გამოტქვამს, რომ საფრანგეთისა და ევროკავშირის დროშები ერთად დარჩებიან, - ამის შესახებ ფედერიკა მოგერინიმ რუსეთის საგარეო საქმეთა მინისტრ სერგეი ლავროვთან ერთობლივ პრესკონფერენციაზე განაცხადა.

„იმედი მაქვს, ფრანგული და ევროპული დროშები ერთად იქნება“,- განაცხადა მოგერინიმ.

როგორც მოგერინიმ აღნიშნა, ევროკავშირის წევრობა სუვერენიტეტის დაკარგვას არ ნიშნავს.

ცნობისთვის, უმაღლესი კომისარი მოსკოვში ოფიციალური ვიზიტით იმყოფება.  მან შეხვედრა რუსეთის საგარეო საქმეთა მინისტრ სერგეი ლავროვთან გამართა. დიპლომატებმა ტერორიზმთან ბრძოლაზე, სირიის კონფლიქტსა და რუსეთსა და ევროკავშირს შორის ურთიერთობებზე ისაუბრეს.

შეგახსენებთ, რომ გუშინ საფრანგეთში საპრეზიდენტო არჩევნების პირველი ტური გაიმართა. მეორე ტურში ქვეყნის ეკონომიკის ყოფილი მინისტრი ემანუელ მაკრონი და პარტია „ეროვნული ფრონტის“ ლიდერი მარინ ლე პენი გავიდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები