უნგრეთის პრემიერ-მინისტრის ოფიციალური ვიზიტის ფარგლებში სასტუმრო „ქორთიარდ მარიოტში“  საქართველო-უნგრეთის ბიზნეს ფორუმი მიმდინარეობს.

ფორუმი  ეკონომიკისა და  მდგრადი განვითარების მინისტრმა გიორგი გახარიამ და უნგერეთის საგარეო  საქმეთა და ვაჭრობის მინისტრმა გახსნეს.

როგორც გახარიამ ჟურნალისტებს განუცხადა,  რამდენიმე მნიშვნელოვან ხელშეკრულებას ეწერება ხელი და აქედან ყველაზე მნიშვნელოვანია ინვესტიციების ურთიერთგაცვლის ნაწილი.

ამასთან, მინისტრის განმარტებით, ხელი მოეწერება ხელშეკრულებას განათლების ნაწილშიც.

„მნიშნელოვანია ის, რომ ძალზე მჭიდრო ეკონომიკური ურთიერთობის შესაძებლობებია, კონკრეტული კომპანიები, კონკრეტული დარგების მიმართულებით არიან ჩამოსულები. ეს იქნება ძალზე პრაგმატული შეხვედრა ბიზნესებს შორის. დარწმუნებული ვარ, ამ შეხვედრების შემდგომ, კონკრეტულ ბიზნესაქტივობებთან გვექნება საქმე",-განაცხადა გახარიამ და დასძინა, რომ უნგრულ კომპანიებს საქართველოში აინტერესებთ გადამამუშავებელი წარმოების მშენებლობა, წყლის რესურსების მართვა და ფარმაცევტიკა.

"ეს ძირითადი მიმართულებებია, რაზეც საუბარი უკვე მოვასწარით. ვფიქრობ,  პოტენციალი ბევრად უფრო მეტია",-აღნიშნა გახარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეროს უშიშროების საბჭო რუსეთს ჯარების გაყვანისა და ოკუპაციის დასრულებისკენ მოუწოდებს

რუსთაველის რეაბილიტაციის გამო კალაძე მოსახლეობას ორთვიანი მოთმინებისკენ მოუწოდებს

ალასკაში ჩარტერული თვითმფრინავის ჩამოვარდნის შედეგად ბორტზე მყოფი 8 პირი დაიღუპა

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის