პირველი ვიცე-პრემიერი, ფინანსთა მინისტრი დიმიტრი ქუმსიშვილი, აშშ-ში სამუშაო ვიზიტის ფარგლებში, მონაწილეობას მიიღებს საერთაშორისო სავალუტო ფონდისა და მსოფლიო ბანკის წლიურ შეხვედრაში, რომლის დროსაც შეხვედრებს გამართავს საერთაშორისო საფინანსო ორგანიზაციებისა და ინვესტორი კომპანიების ხელმძღვანელ პირებთან.

ფინანსთა სამინისტროს ინფორმაციით, ვიზიტის ფარგლებში, დიმიტრი ქუმსიშვილი, როგორც ფინანსთა მინისტრი და მსოფლიო ბანკის მმართველი დირექტორი საქართველოდან, პირველად მიიღებს მონაწილეობას სსფ-ისა და მსოფლიო ბანკის წლიურ შეხვედრაში, რომლის დროსაც დაგეგმილია მისი შეხვედრები აღნიშნული საფინანსო ორგანიზაციების მაღალი თანამდებობის პირებთან.

გარდა ამისა, საქართველოს პირველი ვიცე-პრემიერი შეხვედრებს გამართავს წლიურ შეხვედრაში მონაწილე სხვა ქვეყნების წარმომადგენლებთან, მათ შორის, ევროკომისიის ევროპული სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილესთან, კატარინა მატერნოვასთან, რომლის დროსაც განიხილება საქართველოსა და ევროკავშირს შორის თანამშრომლობის აქტუალური საკითხები.

აგრეთვე, დაგეგმილია დიმიტრი ქუმსიშვილის შეხვედრები წლიურ შეხვედრაში მონაწილე მსხვილი ბიზნესის წარმომადგენლებთან.

აშშ-ში გამართულ შეხვედრებს, ასევე, დაესწრება ფინანსთა მინისტრის მოადგილე ნიკოლოზ გაგუა. 

 (NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალასკაში ჩარტერული თვითმფრინავის ჩამოვარდნის შედეგად ბორტზე მყოფი 8 პირი დაიღუპა

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.