ოკუპირებული ცხინვალის „უშიშროების კომიტეტი“ საქართველოს 3 მოქალაქის დაკავების შესახებ ინფორმაციას ავრცელებს

2017-04-18 11:21:11, 789 ნახვა

რეგიონი

ე.წ საზღვრის გადაკვეთის გამო დაკავებული საქართველოს 3 მოქალაქის შესახებ ინფორმაციას ოკუპირებული ცხინვალის "უშიშროების კომიტეტი" ავრცელებს.

"17 აპრილს სახელმწიფო საზღვრის უკანონო გადაკვეთის გამო საქართველოს 3 მოქალაქე დავაკავეთ.

დაკავებულები არიან 1989 წელს დაბადებული, თბილისში მცხოვრები გიორგი ბაბუნაშვილი, გორის რაიონის სოფელ ჯარიაშენში მცხოვრები 1989 წელს დაბადებულები რევაზ სრესელი და ლევან ბოლათაშვილი", - ნათქვამია განცხადებაში.

როგორც ე.წ უშიშროების კომიტეტის განცხადებაშია აღნიშნული, მიმდინარეობს მუშაობა, რათა სასაზღვრო სამსახურმა საქმის მასალები სასამართლოს გადაუგზავნოს.

ცნობისთვის, 17 აპრილს ე.წ მესაზღვრეებმა საქართველოს 3 მოქალაქე დააკავეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან