ვახტანგ გომელაური: ყველაფერს ვაკეთებთ, რომ კორტების საქმეზე სპეცრაზმელები მსუბუქი სასჯელით გამოვიდნენ

2015-04-08 12:55:38, 976 ნახვა

სამართალი

„ყველაფერს ვცდილობთ, რომ ეს ადამიანები მსუბუქი სასჯელით გამოვიდნენ“,-ამის შესახებ შინაგან საქმეთა მინისტრმა ვახტანგ გომელაურმა ე.წ. კორტების სპეცოპერაციასთან დაკავშირებით დასმულ კითხვაზე პასუხისას განაცხადა.

გომელაურის თქმით, სპეცრაზმელები მაშინ არასწორ ბრძანებას შეეწირნენ.

„პრემიერმა მგონი გასაგებად თქვა, ეს ადამიანები შეეწირნენ არასწორი ბრძანების შესრულებას. არასწორი ბრძანება მიიღეს მათ და ის შეასრულეს მათ. კანონით ეს რა თქმა უნდა ისჯება. ჩვენ ყველაფერს ვცდილობთ, რომ ეს ადამიანები მსუბუქი სასჯელით გამოვიდნენ. აქედან გამომდინარე ისინი არიან სპეცდანიშნულების რაზმის წარმომადგენლები და მიიღეს არასწორი ბრძანება. კანონი ავალებს, რომ უკანონო დავალება არ შეასრულოს. 10 წელი ვიმსახურე მანდ, რა თქმა უნდა, რომ მითხრას ხელმძღვანელობამ, მოკალი 10 წლის ბავშვი, დაცხრილე, იმის ტვინი უნდა გქონდეს ელემენტარულად, ეს არ უნდა შეასრულო“,-განაცხადა გომელაურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან