ბრიტანეთის საგარეო საქმეთა მინისტრი ბორის ჯონსონი "დიდი შვიდეულის" საგარეო საქმეთა მინისტრების შეხვედრაზე, რუსეთისთვის ახალი სანქციების დაწესებას მოითხოვს. 

მედიის ინფორმაციით, სანქციების დაწესების შესახებ დოკუმენტი, სირიაში ქიმიური იარაღის გამოყენებასთან დაკავშირებით გავრცელებული ნფორმაციას საპასუხოდ მოჰყვა.

შეხვედრა იტალიაში დღეს გაიმართება და მას ასევე ამერიკის შეერთებული შტატების სახელმწიფო მდივანი რექს ტილერსონი დაესწრება. ამასთან, რექს ტილერსონი, სირიაში განხორციელებულ ქიმიურ თავდასხმებზე პასუხისმგებლობას რუსეთს აკისრებს.

ცნობისთვის, დიდი ბრიტანეთის საგარეო საქმეთა მინისტრმა ბორის ჯონსონმა მოსკოვში დაგეგმილი ვიზიტი გადადო. მინისტრის ვიზიტი აღარ შედგება, ვინაიდან „სირიაში არსებული სიტუაცია რადიკალურად შეიცვალა“. 

რუსულმა მხარემ ბორის ჯონსონი ვიზიტის გაუქმების გამო უკვე გააკრიტიკა და აღნიშნა, რომ "ბრიტანეთს არანაირი გავლენა არ გააჩნია და სირიაში ახალი აგრესიის გამოვლენა, ძალით იქნება მოგერიებული". 

შეგახსენებთ, რომ 4 აპრილს სირიის პროვინცია იდლიბზე ქიმიური თავდასხმა განხორციელდა. თავდასხმის შედეგად 89 ადამიანი დაიღუპა, მათ შორის 33 ბავშვი და 19 ქალი. ქვეყნის ოპოზიცია თავდასხმაში სირიის ხელისუფლებას ან რუსეთს ადანაშაულებს. თავდასხმის შემდეგ ის საავადმყოფოები დაიბომბა, სადაც დაშავებულები მკურნალობას გადიოდნენ. ქიმიური იარაღის გამოყენებიდან 3 დღეში, ამერიკის შეერთებულმა შტატებმა სირიის საავიაციო ბაზა დაბომბეს. როგორც ქვეყნის პრეზიდენტმა დონალდ ტრამპმა აღნიშნა, ეს იყო აშშ-ის პასუხი სირიის პრეზიდენტ ბაშარ ასადს. ევროპა და ამერიკა თავდასხმაში სირიის ხელისუფლებას ადანაშაულებს და ქიმიური იარაღის გამოყენებაში რუსეთის ჩართულობაზე საუბრობს. ასადი და ოფიციალური კრემლი ბრალდებებს უარყოფენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები