იუნკერი სტოკჰოლმის მოვლენებზე: ევროკავშირის წევრ ქვეყანაზე თავდასხმა, იგივეა რაც ევროკავშირზე თავდასხმა

2017-04-07 19:11:47, 2549 ნახვა

მსოფლიო

ევროკომისიის პრეზიდენტი ჟან-კლოდ იუნკერი სტოკჰოლმში მომხდარ სავარაუდო ტერაქტს გამოეხმაურა.

როგორც იუნკერი სოციალურ ქსელ Twitter-ის საკუთარ გვერდზე წერს, ის შვედ ხალხს სოლიდარობას უცხადებს.

"ჩვენ ვართ შვედი ხალხის გვერდით და მათ სოლიდარობას ვუცხადებთ. თავდასხმა, რომელიც ევროკავშირის წევრ ქვეყანაზე განხორციელდა, გაიგივებულია ევროკავშირზე თავდასხმასთან", - წერს ჟან-კლოდ იუნკერი.

შეგახსენებთ, რომ სტოკჰოლმში სატვირთო მანქანა ქალაის ერთ-ერთ ცენტრალურ ქუჩაზე ხალხში შევარდა, რის შედეგადაც 5 ადამიანი დაიღუპა, ხოლო 8 დაშავდა. ქვეყნის პრემიერმა აღნიშნულ ინციდენტს ტერაქტი უწოდა. ადგილზე ამ დრომდე სამართალდამცველები მუშაობენ. მომხდართან დაკავშირებით სამართალდამცველებმა ერთი ადამიანი უკვე დააკავეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან