„ადამიანი საკუთარ სულს, ცოდვებს თუ არ ებრძვის, ის სხვაზე ვერ გაიმარჯვებს“,-ამის შესახებ სრულიად საქართველოს კათოლიკოს პატრიარქმა, უწმინდესმა და უნეტარესმა ილია მეორემ საკვირაო ქადაგებაზე ბრძანა.

როგორც პატრიარქმა ბრძანა, ადამიანმა ჯერ თავის თავზე უნდა გაიმარჯვოს, დაამარცხოს საკუთარი ვნებებუი და შემდეგ სხვაზე გამარჯვებული იქნება.

"ორი კვირა დარჩა დიდი მარხვისა, მთავრდება ეს შვიდი კვირა და უნდა ითქვას რომ მძიმედ ჩავატარეთ ეს კვირა. ეს იმას ნიშნავს, რომ ღმერთი განსაცდელს გვიგზავნის იმისთვის, რომ ღრმად ჩავიდეთ ჩვენს სულში. ეს იმას ნიშნავს, რომ უფრო მეტი ყურადღება უნდა მივაქციოთ ჩვენს ყოფაქცევას“,-აღნიშნა პატრიარქმა.

უწმინდესმა მარიამ მეგვიპტელის ღვაწლზე ისაუბრა და აღნიშნა, რომ მეგვიპტელი არის  ნათელი მაგალითი იმისა, თუ როგორ შეიძლება შეიცვალოს ადამიანი და ცოდვიდან წმინდა ცხოვრებაში გადავიდეს.

 „წმინდა მარამ მეგვიპტელი ყოველი ჩვენგანის სულსა და გულშია, იგი ყველას გვეხმარება, უპირველეს ყოვლისა საკუთარ თავთან ბრძოლაში. ადამიანი თუ არ ებრძვის საკუთარ სულს, ცოდვებს, ის ადამიანი ვერ გაიმარჯვებს სხვაზე. ჯერ ადამიანმა უნდა გაიმარჯვოს თავის თავზე, დაამარცხოს საკუთარი ვნებები და შემდეგ ადამიანი იქნება სხვაზე გამარჯვებული", - ბრძანა უწმინდესმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა