2017-03-02 22:01:21, 2546 ნახვა
სამართალი
ანა ნაცვლიშვილი: განჩინებაში გაეპარათ, რომ ყველაფრის მიზანი იყო სარედაქციო პოლიტიკის ცვლილება
განჩინებაში გაეპარათ, რომ ყველაფრის მიზანი იყო სარედაქციო პოლიტიკის ცვლილება, - ამის შესახებ საქართველოს ახალგაზრდა იურისტთა ასოციაციის თავმჯდომარე ანა ნაცვლიშვილმა განაცხადა.
მისი განცხადებით, დღეს დემოკრატიის უმთავრეს ინსტიტუტზე, მედიასა და სასამართლო ხელისუფლებაზე მოხდა დარტყმა. მისივე თქმით, ასეთი უსამართლო გზით სამართლიანობის აღდგენა შეუძლებელია.
"ამ პროცესს არ ჰქონდა მინიმალური ნდობაც კი საზოგადოების ძალიან ფართო ნაწილი მხრიდან იმიტომ, რომ როგორც პირველ ინსტანციაში, ასევე მეორე ინსტანციაში მოხდა არაერთი ძალიან საეჭვო გარემოება, რომლის პიკი იყო განჩინება, რომელშიც პირდაპირ ჩაიწერა, რა იყო ამ ყველაფრის მიზანი და შეცდომით გაეპარათ, რომ მიზანი იყო სარედაქციო პოლიტიკის ცვლილება,“ - განაცხადა ანა ნაცვლიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
