2017-03-01 14:21:24, 2305 ნახვა

---

ბოკუჩავა: ისარგებლეთ მომენტით და გომელაურს ჩამოაცილეთ ვალდებულება, წელიწადში ერთხელ მაინც წარსდგეს პარლამენტის წინაშე

„ისარგებლეთ მომენტით და ვახტან გომელაურს საერთოდ ჩამოაცილეთ ვალდებულება, რომ წელიწადში ერთხელ მაინც წარსდგეს პარლამენტის წინაშე“,-ასე მიმართა „ნაციონალური მოძრაობის“ წევრმა თინა ბოკუჩავამ საპარლამენტო უმრავლესობის წარმომადგენლებს.

„მეცხრე მუხლის მეორე ნაწილი, სადაც საუბარია იმაზე რომ სუს-ის უფროსს ეხსნება ვალდებულება პარლამენტში, წელიწადში ერთხელ მოსვლისაც კი, შეგვიძლია, თუ არსებობს ამის პოლიტიკური ნება თქვენი მხრიდან, სარედაქციო ცვლილებითაც მოვაგვაროთ.  შესაბამისად ამოვიღოთ სიტყვები ან მისი მოადგილე ან თუ გნებავთ სიტყვა ან ჩავანაცვლოთ სიტყვა და-თი. ამით მოგვარდება ის პრობლემა, რომელიც არის მართლაც საგულისხმო. თქვენ მოგეხსენებათ, რომ ოპოზიციამ არაერთხელ მოითხოვა ბატონი გომელაურის მობრძანება პარლამენტში, რისი ვალდებულებაც მას გააჩნია, მაგრამ სამწუხაროდ ჩვენ ყოველთვის ვიღებთ უარს, ახლა უკვე კანონით მაშინ როდესაც ის საერთოდ არ შეეხება სააგენტოს საქმიანობას,  ისარგებლეთ მომენტით გომელაურს საერთოდ ჩამოაცილეთ ის ვალდებულება, რომ წელიწადში ერთხელ მაინც წარდგეს პარლამენტის წინაშე“,-აღნიშნა ბოკუჩავამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი