არის მცდელობა იმისა, რომ მე დამიკავშირონ, რომ მე ვიყავი ამ ყველაფრის ორგანიზატორი, - ამის შესახებ საქართველოს კათოლიკოს-პატრიარქის პირადი დაცვის ყოფილმა უფროსმა სოსო ოხანაშვილმა გადაცემა "არჩევანში" განაცხადა.

მისი განცხადებით, მას სურს პირადად პოლიტიკას გაემიჯნოს. მისივე თქმით, რაღაც დონეზე საპატრიარქოს ირგვლივ განვითარებული მოვლენები შეიძლება, იყოს გარკვეულ კავშირში პოლიტიკასთან.

„მინდა, თავიდანვე აღვნიშნო, რომ ვემიჯნები ყველანაირ პოლიტიკას. ეს რაც ხდება, სხვანაირი ბრძოლაა და უბრალოდ არ მინდა, რომ ეს.. ცდილობენ, რა თქმა უნდა, ბოროტი ძალები, რომ ეს ყველაფერი დააკავშირონ პოლიტიკასთან“, - განაცხადა სოსო ოხანაშვილმა.

მისივე თქმით, ის წამოვიდა სამსახურიდან, რომელიც „მისი ცხოვრების ნაწილი იყო“.

„მე ვიყავი უსაფრთხოების სამსახურის უფროსი მრავალი წლის განმავლობაში. ისეთი რაღაცა მოხდა, რომ ახლაც კი გაოგნებული ვარ, მიუხედავად იმისა, რომ 3 კვირა გავიდა თითქმის და ბევრ რამეს ჯერ ვერ ვაცნობიერებ, რა მოხდა, რას უკავშირდებოდა ეს ყველაფერი,“ - აცხადებს სოსო ოხანაშვილი.

ის აქვე აღნიშნავს, რომ მის მიერ თანამდებობის დატოვება მამა გიორგი მამალაძის საქმეს და პატრიარქის უსაფრთხოებას ეხება. სოსო ოხანაშვილის თქმით, ბოლო პერიოდში ისეთი საუბარი წავიდა, რომ ის თანამდებობაზე ვეღარ გაჩერდებოდა და ეს ნაბიჯი პატრიარქთან შეთანხმებით გადადგა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა