საქართველოს პრეზიდენტმა გიორგი მარგველაშვილმა და აჭარის ა.რ. მთავრობის თავმჯდომარემ ზურაბ პატარაძემ დღესვე ხელვაჩაურის „BTM ტექსტილის" და ავეჯის საწარმო „გლორია" დაათვალიერეს და საწარმოო პროცესში მიიღეს მონაწილეობა. საწარმო ,,გლორიას" მუშაობის შესახებ ინფორმაცია სტუმრებს შპს „მაქროს" კომპანიის დირექტორმა თურჰან ქოროღლუმ და კომპანიის დამფუძნებელმა ემინ უჩარიმ გააცნეს.

საწარმოების დათვალიერება საპრეზიდენტო კამპანიის ,,მოითხოვე ქართულის'' ფარგლებში მოხდა, რომლის მიზანია ქართული ნაწარმისა და პროდუქციის პოპულარიზაცია, რათა გაძლიერდეს ქვეყნის ეკონომიკა, შეიქმნას სამუშაო ადგილები და დაძლეულ იქნეს სავალუტო სირთულეები. ამ კამპანიით გიორგი მარგველაშვილი მოძრაობა KAR.GE-ს და ფოტოგრაფ გოგა ჩანადირის ინიციატივას „იყიდე ქართული" შეუერთდა.

ავეჯის საწარმო „გლორია" 2013 წლიდან ფუნქციონირებს. საწარმო რბილ ავეჯს აწარმოებს. აღნიშნული პროდუქციის ექსპორტს კომპანია ლიბიაში, გერმანიაში, თურქეთში, აზერბაიჯანში და ბელარუსში ახორციელებს. უკვე განხორციელებულია 15 მლნ ლარზე მეტი ინვესტიცია. საწარმოში დასაქმებულია 130-ზე მეტი ადამიანი.

შპს „BTM TEXTILE" 2006 წლიდან ფუნქციონირებს. საწარმო ტექსტილის პროდუქციას, კონკრეტულად ქალების ტანსაცმელს აწარმოებს, ხოლო პროდუქციის ექსპორტს თურქეთსა და ინგლისში ახორციელებს. ამ ეტაპზე უკვე განხორციელებულია დაახლოებით 20 მლნ ლარის ინვესტიცია. ტექსტილის საწარმოში 320 ადამიანია დასაქმებული. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს