შერიგების საკითხებში სახელმწიფო მინისტრს მრჩევლები არ ჰყავს

2017-02-09 13:37:38, 2430 ნახვა

პოლიტიკა კომენტარი

შერიგებისა და სამოქალაქო თანასწორობის საკითხებში სახელმწიფო მინისტრის ქეთევან ციხელაშვილის განცხადებით, მას არც ერთი მრჩეველი და მხოლოდ ერთი მოადგილე ჰყავს.

როგორც სახელმწიფო მინისტრმა აღნიშნა, მის შტატში სულ 31 ადამიანია დასაქმებული:

„მე მყავს ძალიან პატარა შტატი. ვართ 31 ადამიანი, რომელიც საკმაოდ ტიტანურ სამუშაოს ვასრულებთ ორი ძალიან მნიშვნელოვანი მიმართულებით. ეს გახლავთ შერიგება, კონფლიქტების მოგვარება და სამოქალაქო ინტეგრაცია. ამიტომ ძალიან რთული სამუშაოა, ერთ ადამიანზე ბევრი სამუშაო ნაწილდება. პირადად მრჩეველი არ მყავს, მყავს მხოლოდ ერთი მოადგილე. მოქნილი და პატარა აპარატია, ეს არის სახელმწიფო მინისტრის აპარატი და შეიძლება სხვებს ამიტომ ვერ შევადაროთ. სხვა სპეციფიკა გვაქვს“,- განაცხადა ქეთევან ციხელაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან