საქართველოს ფინანსთა სამინისტროს შემოსავლების სამსახურის ინფორმაციით, პირველი კვარტლის საგადასახადო შემოსავლების გეგმა გადაჭარბებითაა შესრულებული.

როგორც "ექსპრესნიუსს" ფინანსთა სამინისტროს შემოსავლების სამსახურიდან აცნობეს, მიმდინარე წლის თებერვალში, დღგ-ს საწარმოთა ბრუნვა გაზრდილია 18.5 პროცენტით, ხოლო სტატისტიკის ეროვნული სამსახურის წინასწარი შეფასებით, წინა წლის შესაბამის პერიოდთან შედარებით 2015 წლის თებერვალში რეალური მთლიანი შიდა პროდუქტის ზრდის ტემპმა 4,9 პროცენტი შეადგინა.

"ამავე დროს, როგორც ფინანსთა სამინისტროში აცხადებენ, გადაჭარბებით შესრულებულია სახელმწიფო და ნაერთი ბიუჯეტების საგადასახადო შემოსავლების პირველი კვარტლის საპროგნოზო გეგმა.
პირველი კვარტლის შესრულების შესახებ დეტალურ ინფორმაციას ფინანსთა სამინისტროს საზოგადოებასთან ურთიერთობის სამსახური მოგვიანებით გამოაქვეყნებს", - ნათქვამია შემოსავლების სამსახურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის