საერთაშორისო კვლევითი ცენტრის Yougov.com-ის გამოკითხვის თანახმად,  ამერიკელთა 39% საქართველოს მეგობრად მიიჩნევს, მოკავშირედ კი 8%. 

როგორც კვლევაშია აღნიშნული, გამოკითხულთა 16% ფიქრობს, რომ საქართველო ამერიკის შეერთებული შტატების მიმართ არამეგობრულადაა განწყობილი, 2% კი თვლის, რომ საქართველო მტერია. ამასთან, გამოკითხულთა - 35% პასუხში დარწმუნებული არ არის. 

ცნობისთვის, ქვეყნების მიმართ ამერიკელთა დამოკიდებულების რეიტინგი 7 150 ადამიანის გამოკითხვის შედეგად დადგინდა. კვლევა 28 იანვარიდან - 1 თებერვალის პერიოდში ჩატარდა. 

რაც შეეხება სხვა ქვეყნებს, მტრების რეიტინგში ჩრდილოეთ კორეა (57%), ირანი (41%), სირია (32%), ერაყი (29%), ავღანეთი (23%) და რუსეთი (22%) ლიდერობენ.

მთავარ მოკავშირეებად ამერიკელებმა დიდი ბრიტანეთი (55%), კანადა (55%), ავსტრალია (45%), ისრაელი (44%) და საფრანგეთი (41%) დაასახელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში