ხოშტარია: სამხედროების მიმართ დღევანდელი ხელისუფლების დამოკიდებულება ძალიან მძიმეა

2017-01-30 16:14:15, 2119 ნახვა

კომენტარი სამხედრო

„მოძრაობა თავისუფლებისთვის - ევროპული საქართველოს“ წევრი ელენე ხოშტარია სამხედროებისთვის დაპირებული ბინების არ გადაცემის საკითხს გამოეხმაურა.

როგორც მან თემის კომენტირებისას ჟურნალისტებს განუცხადა, დღევანდელი ხელისუფლების დამოკიდებულება სამხედროების მიმართ ძალიან მძიმეა.

„ჩვენ არაერთ შემთხვევას ვნახულობთ, თუ როგორ ექცევა ხელისუფლება სამხედროებს, რომლებიც ხელის გულზე უნდა ვატაროთ. ის ფაქტი დაუშვებელია, აქ მარტო ბინაზე არაა საუბარი, ეს ადამიანის აბუჩად აგდებაა. სამხედროსადმი ასეთი დამოკიდებულება დაუშვებელია. ვეჭვობ, იყო რაღაც შიდა პარტიული გარჩევები და დაუშვებელია, რომ ნებისმიერი მოქალაქე მას ეწირებოდეს“, - აღნიშნა ხოშტარიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან