საფრანგეთში პრეზიდენტობის კანდიდატი "ნაციონალური ფრონტიდან" მარინ ლე პენი არჩევის შემთხვევაში ყირიმის რუსეთის ტერიტორიად აღიარების პირობას დებს, - ამის შესახებ მარინ ლე პენმა "იზვესტიასთან" მიცემულ ინტერვიუში განაცხადა. 

პარტია "ნაციონალური ფრონტის" ლიდერმა, რომელსაც ვლადიმერ პუტინთან მჭიდრო კავშირები აქვს, აღნიშნა, რომ ყირიმის უკრაინის ტერიტორიად გამოცხადება საბჭოთა კავშირის ადმინისტრაციული საკითხი იყო და ნახევარკუნძული უკრაინის კუთვნილება არასდროს ყოფილა. 

მარი ლე პენის თქმით, რეფერენდუმზე მოსახლეობამ რუსეთთან მიერთების სურვილი გამოთქვა და დასძინა, რომ საერთაშორისო თანამეგობრობისა და გაეროს მიერ ყირიმელების ნების არ აღიარება სამწუხაროა. 

ამასთან, პრეზიდენტობის კანდიდატმა აღნიშნა, რომ რუსეთის წინააღმდეგ სანქციების გაუქმების მომხრეა. 

გარდა ამისა, მარინ ლე პენის თქმით, საპრეზიდენტო არჩევნებში გამარჯვების შემთხვევაში ის Frexit-ს რეფერენდუმის ჩატარებას მოითხოვს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს