შინაგან საქმეთა მინისტრი გიორგი მღებრიშვილი ხევსურეთში, საქართველოს სახელმწიფო საზღვარზე, შსს-ს სასაზღვრო პოლიციის სახმელეთო საზღვრის დაცვის დეპარტამენტის სამმართველოს ხუთივე სასაზღვრო სექტორს ეწვია, იქ მომსახურე მესაზღვრეებს ახალი წლის დადგომა მიულოცა და საჩუქრები გადასცა.

„ქვეყანა საზღვრით იწყება და შს სამინისტრო ყველაფერს აკეთებს იმისთვის, რომ საქართველოს ჰქონდეს მაქსიმალურად დაცული საზღვარი, თანამედროვე და მოდერნიზებული სასაზღვრო პოლიცია, ხოლო ყველა მესაზღვრეს - სათანადო პირობები ქვეყნის სამსახურში თავისი პროფესიული მოვალეობის ღირსეულად შესასრულებლად,“- განაცხადა მესაზღვრეებთან საუბრისას გიორგი მღებრიშვილმა.

შს მინისტრმა საჩუქრები ხევსურეთში, სოფელ შატილში, ადგილობრივ მოსახლეობასაც გადასცა. ჭინჭარაულების ოჯახს კი გიორგი მღებრიშვილი შინ ესტუმრა - 69 წლის მარო ჭინჭარაულსა და 80 წლის ზვიად ჭინჭარაულს ახალი წელი მიულოცა და საახალწლო ნობათი მიუტანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს