|
2016-12-28 12:34:20, 2536 ნახვა
მსოფლიო
ერდოღანი აშშ-ის ხელმძღვანელობით მოქმედ საერთაშორისო კოალიციას ISIS-ის მხარდაჭერაში ადანაშაულებს
თურქეთის პრეზიდენტი რეჯეპ ტაიპ ერდოღანი აშშ-ის ხელმძღვანელობით მოქმედ საერთაშორისო კოალიციას "ისლამური სახელმწიფოს" მხარდაჭერაში ადანაშაულებს, - ამის შესახებ BBC იუწყება. მედია საშუალების ინფორმაციით, თურქეთის პრეზიდენტი აცხადებს, რომ მას აქვს მტკიცებულებები, რომ აშშ და მისი მოკავშირეები სირიაში ექსტრემისტულ დაჯგუფებებს უჭერენ მხარს, მათ შორის "ისლამურ სახელმწიფოს". "ისინი ჩვენ "დაეშის" მხარდაჭერაში გვადანაშაულებდნენ. ახლა თავად ეხმარებიან ტერორისტულ დაჯგუფებებს, მათ შორის "დაეშს", სახალხო თავდაცვის რაზმებს, "დემოკრატიულ კავშირს" . ეს სავსებით აშკარაა. ჩვენ გვაქვს დადასტურებული მონაცემები ფოტოებითა და ვიდეოთი", - განაცხადა ერდოღანმა. როგორც BBC წერს, 2015 წლის ბოლოს, თურქეთის მიერ რუსული სუ-24-ის ჩამოგდების გამო რუსულ-თურქული ურთიერთობების გამწვავების პერიოდში, მოსკოვმა არაერთხელ დაადანაშაულა ანკარა და პირადად პრეზიდენტი ერდოღანი "ისლამური სახელმწიფოს" მებრძოლებთან ნავთობით ვაჭრობაში. მაშინ თურქეთის ლიდერი ბრალდებებს კატეგორიულად უარყოფდა და პირობა დადო, რომ თანამდებობას დატოვებდა, თუ მისი ტერორისტებთან კავშირი დადასტურდებოდა. ცნობისთვის, აშშ-ის ეგიდით მოქმედი საერთაშორისო კოალიცია სირიასა და ერაყში "ისლამური სახელმწიფოს" წინააღმდეგ ავიადარტყმებს ახორციელებს. 10 დეკემბერს აშშ-ის თავდაცვის მდივანმა ეშტონ კარტერმა განაცხადა, რომ სირიაში "ისლამური სახელმწიფოს" წინააღმდეგ მებრძოლი ქურთი და არაბი მებრძოლების დასახმარებლად 200-მდე ამერიკელ სამხედროს გაგზავნიან. კარტერის ინფორმაციით, სირიაში გაგზავნიან ისნტრუქტორებს, სამხედრო მრჩევლებსა და გამნაღმველებს. ამასთან, წინა კვირას ადამიანის უფლებების მონიტორინგის ცენტრმა, თურქეთის ავიაციას სირიაში 88 მსიდობიანი მოსახლის დაღუპვაში ბრალი დასდო.
მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას
16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება
რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს
თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც
|
რედაქტორის რჩევით
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის
ომი უკრაინაში
კიევში მასშტაბური თავდასხმა: ოთხი ადამიანი დაიღუპა, 25 კი დაშავდა
სიბიჰა კიევ-პეჩერის ლავრის დაბომბვაზე - პუტინი საუკუნოდ დაწყევლილი უნდა იყოს და ის წააგებს ამ ომს
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)