ემზარ კვიციანი ელემენტარულად კვოტირებაში ვერ ერკვევა, - ასე უპასუხა პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა ირაკლი სესიაშვილმა „პატრიოტთა ალიანსის“ წევრ ემზარ კვიციანის კრიტიკას. 

როგორც სესიაშვილმა აღნიშნა, კვოტირება ნიშნავს, რომ კომიტეტის ნებისმიერი თავმჯდომარის ერთი მოადგილის ადგილი ეკუთვნის ოპოზიციას. მისი თქმით, ამ საკითხზე პოლიტიკურ სპეკულაციებს ელოდებოდა და ეს ჩვეულებრივი ამბავი იყო.

„კვოტირება ნიშნავს, რომ კომიტეტის ნებისმიერი თავმჯდომარის ერთი მოადგილის ადგილი ეკუთვნის ოპოზიციას. რეგლამენტის მიხედვით, კენჭი ვუყარეთ იმ კანდიდატურას, რომელმაც წინა კენჭისყრაზე უფრო მეტი ხმა მიიღო. „ქართულმა ოცნებამ“ მხარი დაუჭირა არა „ნაციონალურ მოძრაობას,“ არამედ იმ დემოკრატიულ პრინციპს, რომელიც აღნიშნავს, რომ უმცირესობას ეკუთვნის კვოტა. ყველა დანარჩენის მოსაზრება ამ თემაზე არის სპეკულაცია და ამ ყველაფრისთვის ზედმეტი პოლიტიკური კუდების გამობმა ნამდვილად არ არის საჭირო“, - განაცხადა ირაკლი სესიაშვილმა.

ცნობისთვის, თავდაცვისა და უშიშროების საპარლამენტო კომიტეტის თავმჯდომარის მოადგილედ ირაკლი აბესაძე აირჩიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა