იურიდიულ საკითხთა კომიტეტის თავმჯდომარე ეკა ბესელიას შეფასებით, პოლიციელისთვის, რომელსაც ”იბერიას” ჟურნალისტი ცემაში ადანაშაულებს, უფლებამოსილების შეჩერება სწორი გადაწყვეტილებაა.

როგორც ბესელიამ განმარტა, თუ დადასტურდა გიორგი გასვიანის ჩვენება, რომლის თანახმადაც, მას ნასვამი პოლიციელი ორ პირთან ერთად ბორჯომში ფიზიკურად გაუსწორდა, ეს იქნება სერიოზული რეაგირების საგანი.

„ასეთი ქმედება ჩრდილს აყენებს ღირსეული პოლიციელების საქმიანობას და იმიჯს, ამიტომ ინსტიტუციური ავტორიტეტისთვის და სისტემის მიმართ ნდობის შენარჩუნებისთვის, ძალიან მნიშვნელოვანია, რომ თუ ასეთ ქმედებას ჩაიდენს პოლიციელი, მას ხელი არავინ  უნდა დააფაროს და საქმის გამოძიება ბოლომდე უნდა მოხდეს’’- განაცხადა ეკა ბესელიმ ჟურნალისტებთან საუბრისას.

ცნობისთვის, პოლიციელს, რომელსაც ”იბერიას” ჟურნალისტი ცემაში ადანაშაულებს, უფლებამოსილება დროებით შეუჩერდა.

შეგახსენებთ, რომ ტელეწამყვანი გიორგი გასვიანი სამართალდამცველებს ფიზიკურ და სიტყვიერ შეურაცხყოფაში ადანაშაულებს. გამოძიება საქართველოს სისხლის სამართლის კოდექსის 2 მუხლით, 126-ე მუხლის პირველი ნაწილით, რაც ცემას გულისხმობს და 333-ე მუხლის მე-3 ნაწილის „ბ“ ქვეპუნქტით, რაც სამსახურებრივი უფლებამოსილების გადამეტებას, ძალადობით ან იარაღის გამოყენებით გულისხმობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა