„დღეს არ არის დრო იმისათვის, რომ ბიზნესის საწინააღმდეგო ქმედებები, ან კანონები იყოს მიღებული. ქვეყანაში არის დრო, რომ ჩვენ განვვითარდეთ“, - ამის შესახებ საქართველოს ბიზნეს ასოციაციის პრეზიდენტმა გიორგი ჭირაქაძემ ჟურნალისტებს შრომის ინსპექციის შექმნასთან დაკავშირებით დასმულ კითხვაზე საპასუხოდ განუცხადა.

მისივე თქმით, ხელისუფლების წარმომადგენლებმა, ბიზნესმა, პარლამენტმა, ყველაფერი უნდა გააკეთონ, რომ ეკონომიკა განვითარდეს.

„შრომის ინსპექცია არის ერთ-ერთი თემა. ვაცხადებდით და კვლავაც ვაცხადებთ, რომ დღეს არ არის დრო ბიზნესის საწინააღმდეგო კანონები, ან ბიზნესის საწინააღმდეგო ქმედებები იყო მიღებული. ქვეყანაში არის დრო, რომ ჩვენ განვვითრდეთ. გასაგებია ბევრი რამ რატომ ხდება, მაგრამ ჩვენ მოვუწოდებთ ხელისუფლებას, ყველა დაინტერესებულ მხარეს, რომ განსაკუთრებით ამ სირთულეების დროს, ყველამ, ხელისუფლების წარმომადგენლებმა, ბიზნესმა, პარლამენტმა, ყველაფერი გავაკეთოთ იმისათვის, რომ ეკონომიკა განვითარდეს და წლევანდელი წელი, რომელიც ჩვენ ვიცით, რომ ზრდის თვალსაზრისით მაინცდამაინც სახარბიელო არ იქნება, უკეთესი გავხადოთ. ეს შეგვიძლით, თუ ერთობლივად ვიმუშავებთ. ვიღავაზე დაბრალება, გადაბრალება სწორი არ არის“, - განაცხადა ჭირაქაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის