ანა დოლიძე: პრეზიდენტი დღეს რამდენიმე დანაშაულის გამკაცრების შესახებ კანონპროექტს მოაწერს ხელს

2016-12-13 15:58:50, 2441 ნახვა

სამართალი

პრეზიდენტის საპარლამენტო მდივნის, ანა დოლიძის განცხადებით, გიორგი მარგველაშვილი დღეს გარკვეული დანაშაულების გამკაცრების კანონპროექტს მოაწერს ხელს.

როგორც დოლიძემ აღნიშნა, საქართველოს პარლამენტის მიერ მიღებული შესაბამისი კანონპროექტი პრეზიდენტთან ხელმოსაწერად უკვე შევიდა.

„მაგალითად ცემა, რომელიც ჩადენილი იქნება ორსული ცოლის მიმართ, მკაცრდება. მკაცრდება პასუხისმგებლობა წამებაზე, იზრდება სანქცია წამებასთან დაკავშირებით. უფრო მკაცრად დაისჯება წამება, რომელიც ჩადენილია სამედიცინო მანიპულაციებით. ზოგადად, ჩვენ წამებასთან და ძალადობასთან ბრძოლის საქმეში ეს პოზიტიურ ცვლილებად მიგვაჩნია და პრეზიდენტი ამ პროექტს ხელს დღესვე მოაწერს“,- განაცხადა დოლიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან