ინაშვილი: მზად ვარ, სუს-მა შემისწავლოს, თუმცა ეჭვი არ მეპარება, რომ ისედაც შესწავლილი ვყავარ

2016-12-12 16:18:59, 1932 ნახვა

პოლიტიკა კომენტარი

ფრაქცია „საქართველოს პატრიოტების“ ლიდერის ირმა ინაშვილის განცხადებით, ნდობის ჯგუფში ის საკუთარი ფრაქციიდან იქნება წარმოდგენილი.

ინაშვილის თქმით, ფრაქცია „საქართველოს პატრიოტებმა“ არჩევანი მის კანდიდატურაზე შეაჩერეს.

„დღეს მე მოვისმინე სხვადასხვა ტიპის შეფასებები და გაისმა ისეთი მოსაზრებაც, რომ სახელმწიფო უსაფრთხოების სამსახურმა უნდა შეისწავლოს ყველა კანდიდატის კონტაქტები, ბიოგრაფია და ა.შ. რამდენად სანდოა ესა თუ ის კანდიდატი მონაწილეობდეს ნდობის ჯგუფში. მივესალმები ამას და მზად ვარ, შემისწავლოს სახელმწიფო უსაფრთხოების სამსახურმა, თუმცა ეჭვი არ მეპარება, რომ ისედაც შესწავლილი ვყავარ“, - აღნიშნა ინაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან