კობახიძე: პრეზიდენტის ადმინისტრაციის მოხელეებმა უნდა იცოდნენ, რისი თქმის უფლება აქვთ

2016-12-12 14:10:55, 2022 ნახვა

პოლიტიკა კომენტარი

პარლამენტის თავმჯდომარის ირაკლი კობახიძის განცხადებით, პარლამენტის დადგენილება საკონსტიტუციო კომისიის შექმნასთან დაკავშირებით საკონსტიტუციო კომისიაში პრეზიდენტის ადმინისტრაციის წარმომადგენელთა მუშაობას ითვალისწინებს.

როგორც კობახიძემ აღნიშნა, ის პრეზიდენტის ადმინისტრაციის წარმომადგენლის წარდგენას ელოდება.

„ჩვენ დაველოდებით პრეზიდენტის ადმინისტრაციის წარმომადგენლის წარდგინებას. რაც შეეხება საკონსტიტუციო კომისიის ე.წ. ლეგიტიმაციას, ეს სიტყვა საერთოდ რა კავშირშია საკონსტიტუციო კომისიასთან, არ მესმის“, - განაცხადა ირაკლი კობახიძემ.

ამასთან, კობახიძის თქმით, პრეზიდენტის ადმინისტრაციის შეფასება, რომ პარლამენტის თავმჯდომარემ საკონსტიტუციო კომისიის შექმნისას ვიწრო პოლიტიკური ხედვით იხელმძღვანელა, არასწორი და არაკორექტულია.

“პრეზიდენტის ადმინისტრაციის მოხელეებმა უნდა იცოდნენ, რისი თქმის უფლება აქვთ მათ”, - განაცხადა კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან