თურქეთის საკანონმდებლო ორგანომ რუსეთთან გაზსადენის “თურქული ნაკადის” მშენებლობის შეთანხმების რატიფიცირება მოახდინა, - ამის შესახებ ინფორმაციას Haber Turk-ი ავრცელებს.

მედია საშუალების ცნობით, კანონპროექტს სხდომაზე მყოფი 223 დეპუტატიდან 210-მა დაუჭირა მხარი, 7-მა დეპუტატმა მხარი არ დაუჭირა, 6-მა კი თავი შეიკავა.

ცნობისთვის, 29 ნოემბერს შეთახმება თურქეთის პარლამენტის საერთაშორისო ურთიერთობათა კომისიამ დაამტკიცა.

6 დეკმებერს თურქეთის პრემიერ-მინისტრი ბინალი ილდირიმი მოსკოვში ჩავა, რა დროსაც ორმხრივი ურთიერთობების საკითხს განიხილავს. 

"თურქული ნაკადი" პროექტ "სამხრეთის ნაკადის" შემცვლელად მოიაზრება, რომელიც ევროკავშირმა დაბლოკა.

შეგახსენებთ, რომ "თურქული ნაკადის" პროექტზე მუშაობა 2015 წელს რუსეთსა და თურქეთს შორის ურთიერთობების გაუარესების გამო შეწყდა.

ამასთან, როგორც "გაზპრომში" აცხადებენ, "თურქული ნაკადი" რუსული გაზის ევროპაში მიწოდების ერთადერთი მარშრუტი უნდა გახდეს, რაც უკრაინის გავლით ტრანზიტის რისკებს შეამცირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს