"ახალგაზრდა უფლებადამცველთა ასოციაცია" "ნაციონალური მოძრაობის" გასამართლების მოთხოვნით, ხვალ აქციას გამართავს

2015-03-20 20:29:55, 1176 ნახვა

პოლიტიკა ეკონომიკა სამართალი საზოგადოება

,,ახალგაზრდა უფლებადამცველთა ასოციაცია" სხვა არასამთავრობოებთან ერთად, საზოგადოებრივ მაუწყებელთან ხვალ აქციას გამართავს და "ნაციონალური მოძრაობის", როგორც პოლიტიკური პარტიის, გასამართლებას მოითხოვს.

აქცია 15:00 საათზე დაიწყება.

""ნაციონალური მოძრაობა" უნდა გასამართლდეს, საერთოდ უნდა აიკრძალოს. ესაა ჩვენი მოთხოვნა, რის გამოც ხვალ "საზოგადოებრივ მაუწყებელთან" შევიკრიბებით და ჩენს პროტესტს გამოვხატავთ",-განუცხადა "ექსპრესნიუსს" "ახალგაზრდა უფლებადამცველთა ასოციაციის" ხელმძღვანელმა ალექსანდრე კობაიძემ.

ცნობისთვის, "ერთიანი ნაციონალური მოძრაობა“ მთავრობის სრული შემადგენლობის გადადგომის მოთხოვნით, ხვალ, თავისუფლების მოედანზე, აქციის გამართვას გეგმავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან