სოფლის მეურნეობის მინისტრის ლევან დავითაშვილის განცხადებით, პროგრამა „დანერგე მომავალში“ ცვლილება განხორციელდა.

დავითაშვილის თქმით, პროგრამის ფარგლებში, მრავალწლოვანი ბაღების თანადაფინანსების კომპონენტსში კომში შევიდა. ხოლო კენკროვანი ხილი, ჟოლო და მაყვალი აღნიშნულ  კომპონენტს მთელი საქართველოს მასშტაბით დაემატა.

 „დღეს განხორციელდა ცვლილება „დანერგე მომავალში“, რომელიც ითვალისწინებს მრავალწლიანი კულტურების გაშენებას მთელი საქართველოს მასშტაბით ნახევრად ინტენსიური და ინტენსიური ბაღების მშენებლობას, რაც გვაძლევს საშუალებას, რომ თითოეული ფერმერის კეთილდღეობა გაიზარდოს, მრავალწიანი კულტურები მეტი შემოსავლის მომტანია 1 ჰექტარ ტერიტორიაზე. ეს პროექტი ძალიან წარმატებით მიმდინარეობს უკვე და 1 500 ჰა-ზე მეტი ნახევრად ინტენსიური და ინტენსიური ბაღი მთელი საქართველოს მასშტაბით გაშენებულია, რაც თანამედროვე ტექნოლოგიებით ახალი ტიპის მებაღობას გულისხმობს. პროექტის ფარგლებში განხორციელებული ცვლილების შედეგად ჩვენ რამდენიმე მნიშვნელოვანი კულტურა დავამატეთ, კომშის კულტურა დაემატა კახეთსა და ქვემო ქართლში, დაემატა მთელი საქართველოს მასშტაბით კენკროვნები,ჟოლო და მაყვალი. კენკროვნები არის ძალიან მნიშვნელოვანი კულტურა იმ თვალსაზრისით, რომ ერთ ჰექტარზე მათი შემოსავალი არის საკმაოდ დიდი“, - განაცხადა ლევან დავითაშვილმა.

ინფორმაციისთვის, ბაღების კომპონენტი ითვალისწინებს მრავალწლიანი კულტურების ახალი ბაღების გასაშენებლად პოტენციური ბენეფიციარებისათვის ფინანსური და ტექნიკური დახმარების გაწევას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს