გვენეტაძე: ციფრებში, რომელშიც დღევანდელი ბიუჯეტია დამტკიცებული, ვერანაირ საშიშროებას ვერ ვხედავ

2016-10-26 16:03:47, 1487 ნახვა

ეკონომიკა

იმ ციფრებში, რომელშიც დღევანდელი ბიუჯეტი არის დამტკიცებული, ვერანაირ საშიშროებას ვერ ვხედავ, - ამის შესახებ ეროვნული ბანკის პრეზიდენტმა კობა გვენეტაძემ დღეს გამართულ პრესკონფერენციაზე განაცხადა.

გვენეტაძის თქმით, სებ-ს ბიუჯეტთან დაკავშირებით აქვს მანდატი, რომ კომენტარები გააკეთოს, თუმცა არსებულ პირობებში ამის საჭიროებას ვერ ხედავს.

"გვაქვს მანდატი, რომ კომენტარები მივცეთ, მაგრამ იქიდან გამომდინარე, რომ ბიუჯეტი ჯერჯერობით არ შეცვლილა ამ ეტაპზე აღნიშნულ თემაზე კომენტარი არ გვაქვს. იმ ციფრების მიხედვით, რომელიც დღეს არსებობს 2016 წლის ბიუჯეტთან დაკავშირებით, კურსზე მოქმედების ძალიან დიდ რისკს ვერ ვხედავ. შემიძლია გითხრათ, რომ ხარჯების შემცირებას აქვს კურსზე კარგი ეფექტი, ანუ ის შეუწყობს ლარის გამყარებას, თუმცა საფრთხეს მაინც ვერ ვხედავ. ბიუჯეტის ცვლილების შემდეგ, ჩვენ ამ საკითხზე კომენტარს გავაკეთებთ, თუმცა როგორი სახის იქნება ამას მომავალში გავაჟღერებთ", - განაცხადა კობა გვენეტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან