გერმანიის კანცლერის ანგელა მერკელის შეფასებით, სირიის ქალაქ ალეპოს დაბომბვა, რომელსაც რუსული და სირიული ავიაცია ახორციელებს, „არაადამიანურია“, - ამის შესახებ BBC იუწყება.

როგორც მედია საშუალება წერს, "ნორმანდიული ოთხეულის" შეხვედრაზე, სადაც უკრაინის საკითხი განიხილებოდა, გერმანიის და საფრანგეთის ლიდერებმა პუტინს ალოპოში ცეცხლის შეწყვეტისკენ მოუწოდეს. 

მერკელის განცხადებით, შეხვედრა პუტინთან საკმაოდ "მძიმე" იყო. 

ამასთან, საფრანგეთის პრეზიდენტმა ფრანსუა ოლანდმა აღნიშნა, რომ ალეპოში მიმდინარე მოვლენები „სამხედრო დანაშაულია“. 

მისივე თქმით, ერაყის ქალაქ მოსულის გათავისუფლების ოპერაციაში, საერთაშორისო კოალიცია მშვიდობიან მოსახლეობას არ ბომბავს, როგორც ეს ალეპოში ხდება. 

საფრანგეთის და გერმანიის ლიდერებმა რუსეთის წინააღმდეგ ახალი სანქციების დაწესებას არ გამორიცხავენ. ცნობისთვის, ახალი სანქციების დაკისრებაზე აშშ-ის სახელმწიფო მდივანი ჯონ კერიც საუბრობს. 

შეგახსენებთ, რომ სირიის ქალაქ ალეპოში რუსეთის მიერ გამოცხადებული ჰუმანიტარული პაუზა ამოქმედდა. 

მედიის ცნობით, ადგილობრივი დროით დილის 08:00 სააათიდან საღამოს 19:00 საათამდე ყველა სამხედრო მოქმედება შეწყდება. ადგილობრივი მოსახლეობა ქალაქის დატოვებას რვა ჰუმანიტარული დერეფნით შეძლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს