"ერთიანი ნაციონალური მოძრაობის" წევრი ოთარ კახიძე იუსტიციის სამინისტროს განცხადებას ეხმაურება, რომლის თანახმადაც, სტრასბურგის სასამართლომ მერაბიშვილის საქმეზე საქართველოს მთავრობის საჩივარი დააკმაყოფილა.

როგორც ოთარ კახიძე Facebook-ის საკუთარ გვერდზე წერს, სტრასბურგის სასამართლომ "საჩივარი კი არ დააკმაყოფილა, არამედ განსახილველად მიიღო".

"მინდა გამოვეხმაურო იუსტიციის მინისტრის, თეა წულუკიანის ბრიფინგს იმის შესახებ, რომ თითქოს სტრასბურგის სასამართლომ დააკმაყოფილა მთავრობის საჩივარი ვანო მერაბიშვილის საქმესთან დაკავშირებით.

საჩივარი კი არ დააკმაყოფილა, არამედ განსახილველად მიიღო.

შეგახსენებთ, რომ ივანიშვილის ხელისუფლებას ჩვენ მოვუგეთ ექსტრადირების ყველა პროცესი, ინტერპოლის ყველა დავა და ვანო მერაბიშვილის საქმე სტრასბურგის სასამართლოში.

ანალოგიურად დავამარცხებთ დიდ პალატაშიც, რომლის გადაყვეტილებასაც კიდევ უფრო მაღალი ლეგიტიმაცია ექნება.

სტრასბურგის სასამართლო აგრეთვე განიხილავს ჩემ აპლიკაციას გიგი უგულავას საქმესთან დაკავშირებით, სადაც ასევე დავამარცხებთ ხელისუფლებას.

ჩვენი ბრძოლა არის მართალი და ჩვენ აუცილებლად გავიმარჯვებთ!", - წერია Facebook პოსტში.

ცნობისთვის, როგორც იუსტიციის სამინისტოდან "ექსპრესნიუსს" აცნობეს, ადამიანის უფლებათა ევროპული სასამართლოს 5 მოსამართლისგან შემდგარმა კოლეგიამ დააკმაყოფილა საქართველოს მთავრობის საჩივარი, რომლითაც იუსტიციის სამინისტრომ ივანე მერაბიშვილის საქმეზე ამავე სასამართლოს ერთ-ერთი პალატის მიერ 2016 წლის 14 ივნისს გამოტანილი გადაწყვეტილება გაასაჩივრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ