„ეს იყო იმ კონკრეტულ პარტიაზე უარის თქმა, რომელიც ძალადობდა ჩვენი ქვეყნის მოსახლეობაზე, - ამის შესახებ „ქართული ოცნების“ საარჩევნო შტაბის უფროსმა კახი კალაძემ ეგზიტპოლების გამოქვეყნების შემდეგ ჟურნალისტებს განუცხადა.

როგორც კალაძემ აღნიშნა, მთავარია, რომ პარტიამ გამარჯვება ბრძოლით და მშვიდობიანი გზით მოიპოვა.

„ვერავინ ვერ შეეხება ამ გამარჯვებას, ამის გარანტი არის პარტია „ქართული ოცნება“. ჩვენ პარტიას საკმაოდ ამბიციური გეგმები გააჩნია. დაველოდოთ ცესკო-ს მიერ დათვლილ ხმებს, ის სურათი რომელიც იქნება წარმოდგენილი, ნახავს სრულიად საქართველო. მთელი დღის განმავლობაში ვიღებდით მონაცემებს ჩვენი პარტიებიდან, რაიონებიდან, მინდა გითხრათ, რომ სავარაუდოდ მონაცემები, რომელსაც ჩვენ ვიღებდით „ქართული ოცნების“-ის 60%-ს შეადგენს. ეს არ არის მხოლოდ პარტია „ქართული ოცნების“ მხარდამჭერების გამარჯვება, ეს არის სრულიად ქვეყნის გამარჯვება“, - განაცხადა კალაძემ.

მისივე თქმით, პარტია „ქართული ოცნება“ ყველა წინასაარჩევნო დაპირებას შეასრულებს.

„რაღაც ოქლებში იქნება მეორე ტურები თუმცა ეს ნორმალურია, ესეც დემოკრატიული პროცესის ნაწილია. აქ საგანგაშო არაფერი არ არის. წლების განმავლობაში მიდიოდა ხმების მოპარვა და ტოტალური გაყალბება. მეამაყება, რომ ერთ-ერთი საუკეთესო არჩევნები ჩავატარეთ და ამას მთელი ქვეყანა ნახავს, ასევე სადამკვირვებლო ორგანიზაციები აღნიშნავენ“, - განაცხადა კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს