„ტერაბანკი“„კორ სტანდარტ ბანკის“ ყოფილი თანამშრომლის დაკავებაზე პროკურატურის განცხადებას ეხმაურება

2016-10-06 15:02:17, 1794 ნახვა

სამართალი

„ტერაბანკი“ პროკურატურის მიერ გავრცელებულ განცხადებას ეხმაურება.

როგორც ბანკის განცხადებაშია აღნიშნული, სს „კორ სტანდარტ ბანკის“ ყოფილი თანამშრომლის დაკავების ფაქტი ტერაბანკის ინიციატივით, რამდენიმე თვის წინ დაწყებულ საგამოძიებო პროცესს უკავშირდება.

„ტერაბანკმა საქართველოს მთავარ პროკურატურას 2016 წლის 17 მაისს აღნიშნული საქმის შესწავლისა და გამოძიების დაწყების მოთხოვნით თავად მიმართა, შესაბამისად, ბანკის ინტერესშია, რომ დადგინდეს სიმართლე და საზოგადოებამ საქმის შესახებ დეტალური ინფორმაცია მიიღოს. ტერაბანკი აქტიურად თანამშრომლობს გამოძიებასთან და საქმის ინტერესებიდან გამომდინარე დაელოდება პროცესების დასრულებას“, - ნათქვამია „ტერაბანკის“ განცხადებაში.

ცნობისთვის, პროკურატურამ კრედიტის უკანონო მიღების, თაღლითობისა და უკანონო შემოსავლის ლეგალიზაციის ფაქტზე ერთი პირი დააკავა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან