სუს-ი: "თავისუფალი ზონის" წევრების დაკითხვაზე იძულების წესით მოყვანა გახდა საჭირო

2016-10-06 12:19:44, 1520 ნახვა

სამართალი

სახელმწიფო უსაფრთხოების სამსახური, "თავისუფალი წონის" წევრების მარიამ ბაშარულის და ვაჟა მორგოშიას დაკითხვაზე იძულების წესით გადაყვანას ადასტურებს.

როგორც "ექსპრესნიუსს" სუს-ის პრეს-სამსახურმა აცნობა, ვინაიდან ბაშარული და მორგოშია რამდენჯერმე დაკითხვაზე არასაპატიო მიზეზით არ გამოცხადდნენ, მიიღეს მოწმის სახით მათი საგამოძიებო უწყებაში იძულებით მიყვანის შესახებ სასამართლოს განჩინება.

"„თავისუფალი ზონის“ წევრები მარიამ ბაშარული და ვაჟა მორგოშია ოფიციალური გამოძახების მიუხედავად, რამდენჯერმე არასაპატიო მიზეზით არ გამოცხადნენ საგამოძიებო დანაყოფში, რის გამოც მიღებული იქნა სასამართლოს განჩინება იძულებით მოყვანაზე მოწმის სახით დაკითხვის მიზნით", - ნათქვამია სუს-ის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან