ევროკავშირის წევრი ქვეყნების მუდმივ წარმომადგენელთა კომიტეტის (COREPER) მიერ  საქართველოს მოქალაქეებისთვის მოკლევადიანი უვიზო რეჟიმის შემოღებასთან დაკავშირებით დღეს მიღებულ გადაწყვეტილებას სოციალურ ქსელ  twitter-ზე ულოცავენ დანიის სამეფოს საგარეო საქმეთა მინისტრი კრისტიან ჯენსენი, ევროპული სამეზობლო პოლიტიკისა და გაფართოების მოლაპარაკებათა საკითხებში ევროკომისარი,  იოჰანეს ჰანი და მომხსენებელი საქართველოს საკითხებზე მარია გაბრიელი.

„ვულოცავ საქართველოს. ევროკავშირის საბჭოს მუდმივ წარმომადგენელთა კომიტეტმა საქართველოს ვიზალიბერალიზაციის საკითხს მხარი დაუჭირა"- წერს კრისტიან ჯენსენი და იმედს გამოთქვამს, რომ ევროპარლამენტთან მოლაპარაკებები უმოკლეს ვადებში დამთავრდება.

ევროპული სამეზობლო პოლიტიკისა და გაფართოების მოლაპარაკებათა საკითხებში ევროკომისარი, იოჰანეს ჰანი ასევე მიესალმება საქართველოს მიერ დამსახურებულ პროგრესს.

„ჩვენ მივიღეთ კარგი ამბავი ევროკავშირის საბჭოდან, მზად ვართ მოლაპარაკებების დასაწყებად"- წერს მომხსენებელი საქართველოს საკითხებზე მარია გაბრიელი.

ცნობისთვის, ევროკავშირის წევრი ქვეყნების მუდმივ წარმომადგენელთა კომიტეტმა (COREPER) ერთსულოვნად დაუჭირა მხარი საქართველოს მოქალაქეებისთვის მოკლევადიანი უვიზო რეჟიმის შემოღებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს