„შალვა იყო იმერეთში მთელი ქართული ოცნების ახალგაზრდული მოძრაობების ორგანიზატორი. ეს არის ადამიანი, რომელიც არის დაუზარელი და საქმიანი" - ასე მიმართა  იუსტიციის მინისტრმა თეა წულუკიანმა სოფელ მეორე სვირში შეკრებილ მოსახლეობას და ქართული ოცნების მაჟორიტარობის კანდიდატის, შალვა კიკნაველიძის მხარდაჭერისკენ მოუწოდა.

„როდესაც ქუჩაში ვიდექით, აქციებს ვაწყობდით თქვენთან ერთად, შალვა იყო იმერეთში მთელი ქართული ოცნების ახალგაზრდული მოძრაობების ორგანიზატორი. ეს არის ადამიანი, რომელიც არის დაუზარელი და საქმიანი. დადებითი აქვს ასევე ის, რომ ახალგაზრდაა და უფრო მეტი ენერგია აქვს. მონდომებულია, რომ თავის რაიონს და მთლიანად იმერეთს აჩვენოს კარგი სახე საქართველოს პარლამენტში.

თქვენთვის ძალიან მნიშვნელოვანია, რომ შალვასნაირი წარმომადგენელი გყავდეთ. ამ ადამიანს მთავრობაში, ქართულ ოცნებაში იცნობს ყველა. ის არ არის გუშინ შემომატებული წევრი. მას მიესვლება ყველგან, ყველა სამინისტროში და უწყებაში", - განაცხადა თეა წულუკიანმა.

იუსტიციის მინისტრმა შეკრებილ საზოგადოებას მოუწოდა 8 ოქტომბერს ხმა მისცენ მომავალს და უარი უთხრან წარსულის დაბრუნებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს