2015-03-14 13:42:54, 1225 ნახვა
მსოფლიო
მოსკოვში ბორის ნემცოვის მკვლელობის სავარაუდო იარაღი იპოვეს
მოსკოვში ბორის ნემცოვის მკვლელობის სავარაუდო იარაღი იპოვეს.
რუსული მედიის ინფორმაციით, სამართალდამცველებმა მდინარის ფსკერზე ორი პისტოლეტი აღმოაჩინეს. შესაძლოა, ნემცოვს ერთ–ერთი იარაღიდან ესროლეს.
ამასთან, გავრცელებული ინფორმაციით, გამოძიებას მომხდართან დაკავშირებით უკვე პრიორიტეტული ვერსიაც აქვს და ის უკრაინულ კვალს შეეხება. გამოძიება ვარაუდობს, რომ ბორის ნემცოვის მკვლელობა მიზნად რუსეთში ხელისუფლების დისკრედიტაციასა და დესტაბილიზაციის გამოწვევას ისახავდა.
შეგახსენებთ, მოსკოვში, რუსი ოპოზიციონერი ბორის ნემცოვი 27 თებერვალს, კრემლთან ახლოს, ხიდზე 6 გასროლით მოკლეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
