ვცდილობ, პოლიტიკოსობა ვისწავლო, მაგრამ ჯერ ძალიან შორს ვარ მიშას ნიჭისაგან და ხედვისაგან, - ამის შესახებ „ნაციონალური მოძრაობის“ ზუგდიდის მაჟორიტარი დეპუტატობის კანდიდატმა სანდრა რულოვსმა ზუგდიდში გამართულ აქციაზე განაცხადა.

რულოვსის თქმით, სააკაშვილს რომ დასჭირდეს, ოდესიდან სოლოლაკამდე გვირაბს გათხრის და პარტიას გვერდში დაუდგება.

„მიშა იძახის, რომ სანდრა ეს მე ვარ. ვცდილობ, პოლიტიკოსობა ვისწავლო, მაგრამ ჯერ ძალიან შორს ვარ მისი ნიჭისაგან და მისი ხედვისაგან, რადგანაც მან იცის წინასწარ, რა უნდა მოხდეს და როგორ უნდა მოხდეს, ყოვლეთვის მართლდება. მან იცის, რომ ჩვენთან ერთად იქნება, რომ გამარჯვება იზეიმოს. რომც დასჭირდეს, ოდესიდან სოლოლაკამდე გვირაბის გათხრა, ის გააკეთებს და ჩვენთან ერთად იქნება“, - განაცხადა სანდრა რულოვსმა.  

როგორც სანდრა რულოვსმა აღნიშნა არჩევნებამდე 12 დღე დარჩა და „ნაციონალურ მოძრაობის“  მხარდაჭერა ძალიან დიდია.

„გამგებელი არის თოლორაია. მითხრეს, რომ შენ დანახვაზე გაწითლდებაო. მართლა, არ მინახავს ჯერ ეს კაცი, არც დებატებში, არც ზუგდიდობაზე, არც ქუჩაში, არასდროს არ მოვიდა და იმედი მაქვს, რომ მოვა. მეუბნებიან, გამოგიგზავნის "ბეტეერ" ქალებს, მოვლენ, თმებით და გითრევენო. ველოდები ამ ქალებს. ზუსტად დღეს გავისწორე თმა, რომ უფრო ადვილი იყოს,  მაგრამ აღარავინ აღარ მოდის პროვოკაციებზე. თავიდან ჯიხაშკარში ვითომ კაცები მოვიდნენ,  ახლა ვითომ "ბეტეერი" ქალები, მაგრამ აღარ მოდიან. ხომ ხედავთ, რამდენი ვართ, ვინც დაგვიცავს ჩვენ და მთელ ერს. ჩვენ ბევრნი ვართ და ვერავინ ვერ მოგვერევა“, - განაცხადა სანდრა რულოვსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია

დაესწარი BOG-ის ვებინარს და გაიგე, როგორ შეგიძლია ისწავლო აშშ-ში სრული დაფინანსებით