ფრაქცია „რესპუბლიკელების“ თავმჯდომარის მოადგილე თამარ კორძაის განცხადებით, „ქართულ ოცნებაში“ გადაწყვეტილებები ყოფილი პრემიერ-მინისტრის ბიძინა ივანიშვილის გარეშე არ მიიღება.

როგორც კორძაიამ აღნიშნა, ამ ფაქტს პარლამენტის თავმჯდომარის დავით უსუფაშვილის მიერ გამოქვეყნებული წერილიც ადასტურებს. მათ შორის იმასაც, რომ პრემიერის პოსტიდან ირაკლი ღარიბაშვილის წასვლაშიც ბიძინა ივანიშვილი მონაწილეობდა.

მისი თქმით, ივანიშვილის არაფორმალურ მმართველობაზე განცხადებები მაშინაც კეთდებოდა, როცა კოალიციაში „რესპუბლიკური პარტია“ იმყოფებოდა.

„ვამბობდით, რომ დეპერსონალიზაცია უნდა მომხდარი, ასევე, ვსაუბრობდით ორპარტიულ კოალიციურ შეთანხმებასა და ყველაფრის ფორმალიზებაზე, მაგრამ „ოცნება“ ამ გზას არ დაადგა. „ოცნებისა“ და „ნაციონალური მოძრაობისგან“ განსხვავებით, ჩვენ ფარულ ჩანაწერებს კი არ ვაქვეყნებთ, ვაქვეყნებთ იმას, რაც ჩვენს ხელთ არის და რაც ასევე, შეიძლება იყოს საჯარო“, - აღნიშნა კორძაიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინმა ისაუბრა უკრაინის წინადადებაზე, შეწყვიტოს შორი დისტანციის დარტყმები და სამხედრო ოპერაციები მხოლოდ ოკუპირებულ ტერიტორიებზე ჩაატაროს

ევროკავშირის დელეგაცია ნატოს სამიტამდე ანკარას ეწვევა

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს