ქუთაისის კრიმინალური პოლიციის უფროსს და ამავე სამსახურის გამომძიებელს წინასწარი პატიმრობა შეეფარდათ

2016-09-17 14:28:29, 1769 ნახვა

სამართალი

ქუთაისის კრიმინალური პოლიციის უფროსს და ამავე სამსახურის გამომძიებელს წინასწარი პატიმრობა შეეფარდათ.

გადაწყვეტილება მოსამართლე გიორგი კერატიშვილმა ცოტა ხნის წინ გამოაცხადა.

მოსამართლის გადაწყვეტილებით, ქრთამის აღებაში ბრალდებულ პოლიციის ყოფილ მაღალჩინოსნებს წინასწარი პატიმრობა იმ მოტივით შეეფარდათ, რომ არსებობს დასაბუთებელი ვარაუდი მოწმეებზე ზემოქმედების, მტკიცებულებათა განადგურების და მიმალვის საფრთხე.

მხარეებს გასაჩივრება თბილისის სააპელაციო სასამართლოში შეეძლებათ.

ქრთამის აღების გარდა, კრიმინალური პოლიციის ყოფილ უფროსს გამოძიება ნარკოტიკული ნივთიერების უკანონო შეძენა-შენახვას და დიდი ოდენობით იარაღისა და საბრძოლო მასალის შეძენა-შენახვას ედავება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან